سلااااااااااام واش راكم لبنات ؟ ..ما باقيش علا العيد بزاف ..عليها قلت خلينا نتبادلو معاكم طرق للتجهيز للعيد
و هذا هو تجهيزي للعيد و قد يكون نفسه لأي مناسبات أخرى ..في العاده نبدا هذا الروتين أسبوعين او أسبوع قبل المناسبه....اولا نبدأمع
●♥ العنياه بالوجه ♥●
بشرتي دهنيةالتقشير: انا نستعمل العسل نديره علا وجهي من بعد نجيب السكر و نبقا نحك بيه وجهي كامل بحركه دائريه احيانا نستعمل زيت الزيتون و السكر ..من بعد نغسل وجهي بالماء و الصابون ..يستحسن ديري هذ الخطوه كي تكون مسامات الوجه مفتوحة يعني كي تجي خارجه من دوش مثلا ..التقشير مفيد(مشقاش نضيعو الوقت علا فوائده ههه) ينحي
الخلايا الميته للوجه هذا اهم شيء
الترطيب : بعد كل تقشير لازم لازم ترتطيب انا نستعمل هذ الماسك في الترطيب
..هايل يخلي البشره كيما تاع البيبي من اول إستخدام الطريقه تحطيه علا وجهك 5 دقائق من بعد تغسليه ..يستعمل مرتين في الإسبوع
موقع المنتج : هنا
صفحة الفيسبوك: YvesRocherAlgerie
بالنسبه لترطيب باقي الجسم نستعمل نيفيا و هي مشهوره في هذ المجال ..لاكن مانحبهاش علا وجهي
أخيرا ترطيب الشفاه ..أكيد اكيد يكونو تشقووو مع رمضان ..ما ستخدمتلهمش أي ماسكات إكتفيت بالمرطبين الشهيرن لابيلو و ميبلين ..نحس مايبلين احسن لأنه مش برك يرطب الشفاه اثناء إستعمال فقط لكن مع المدوامه يحسن من حالتهم
بالنسبه للمكياج ما رحش ندير ..بالك غير كونسيلر
●♥ الشعر ♥●
( شعري جاااااااف و مكشرد ههههه ) ماعنديش روتين كبير فقط قبل ما نغسل شعري نستخدم كارينا كماسك ( ترطيب خيالي ..اللي شعرها جاف و مزال ماخدمتش بيه ..لازم تجربها )
نديره نهار قبل و من غدوه لياه نغسل بهذ الشومبوا وزيد إختيار الشومبوا المناسب هو اهم شيء لشعرك
...اللي شعرهم جااف و مكشرد ..هذا مليح اخر واحد خدمت بيه ..و مع تسريح الشعر بالسيشوار او ليسوغ نستعمل هذ الكريم و السيروم
بالنسبه لتسريح الشعر راح نستخدم lisseur.الكشرودات يشوفو هذ الفيديو انا نسرح شعري بهذ الطريقه دربه بـ lisseur ..من بعد تبردي بالسيشوار..و هي أحسن طريقه للي شعرهم مكشرد او جاف هايله بزاف تعطي نتائج مليحه احسن من الطرق العاديه .شعرك يبقا كما هو لساااااعااات
●♥ اللبس ♥●
الجزء الأهم في كل هذا الهدره واش رح نلبس هههه 
المتجر : jennyfer
+ عطري المفضل
[♥] و نتوما واش رح تعيدو حابه نشوف لبستكم ..رسلوهالي في الفيسبوك هنا
[♥]موضوع السنه الماضيه تجهيزات البنات للعيد 2015 ..ننصحكم تشوفوه
[♥] المهم من الصباح و انا نهدر (نكتب ههه) اذا إستفدتي اي شيء إدعميني بالنقر علا الإعلان (في الاسفل)حتا لو كان عن تجارة السيارات ههههه المهم كليكي
[♥] و تعيدو بالصحه و الهنى و كل مناسبه و أنتن بألف ألف ألف خير
Facebook Comments Plugin Enhanced by linnnna
0 comments :
Post a Comment