فلنستعد لرمضان

السلام عليكم 

كيراكم لبنات ..إن شاء الله تكونو كامل بخير...اكيد تعرفو بلي رمضان قرب عليها خلونا نوجدوله شويه من الناحيه الدينيه و الروحانيه

1- نقي الغرفه نتاعك و أعيدي ترتيبها بحيث تخلي مساحه صغيره تحطي فيها سداجه و مصحف و جلال الصلاه و هذ المساحه منها غادي تتواصلي مع الله سبحانه و تعاله و تقدمي دعواتك ..  تعبداتك و طاعاتك خلال الشهر الكريم ..هذ المساحه الصغيره غادي تشهدلك يوم القيامه 

 

2-وجدي 300 DA باش تصدقي علا الأقل 10 DA في كل يوم من رمضان علا مدار 30 يوم (طبعا يمكنك تقديم أكثر من هذا و سيعود لك بالضعف )

 

3 - إختاري يوم واحد من كل اسبوع في رمضان صلي الفجر و تعبدي حتا شروق الشمس بالصلاة و قراءة القرآن و الدعاء و الأجر رح يكون كبييييير 
4 - إختاري أي صوره من القرآن و حفضيها ( تكون طويله او متوسطه) و اكيد ختم القرآن ايضا بقرآة 5 صفحات بعد كل صلاة 

 

5 - إختار 3 من صحباتك و دعيلهم كل يوم ...و يمكن حتا هوما يشاركوك الفكره ...و رح تشوفو النتيجه الإيجابيه لهذ العمل بعد مده ...و زيد كل ما تدعي لواحد يكون كاين ملك يقول ولك بالمثل...(تقدري تسقسيهم واش هو إحتياجهم او همهم باش تدعيلهم ) 

 

6 - إستغفري بالقوه في رمضان ليك و لعائلتك او اي واحد تعرفيه

 

7 - إذا كنت مقتدره ..إشري مصحف و أهديه لاحد افراد العائله او لصحباتك ..و رح تدي تواب قرآتهم في المصحف طيلة الشهر ..و هذي صدقه جاريه

 

8 - أخير ..كيما نعرفو بلي الشياطين مكانش ..خلاص إنحبسو ...يعني الي راها توسوسلك درك هي نفسك الأماره بالسوء ..تحكمي فيها و طوعيها ..ماتلقايش فرصه احسن من رمضان

حبيباتي ..كملت ...إن شاء الله نكون أفدتكم ..و نتمنالكم رمضان كريم حافل بالطاعه و ذكر الله 
ماتنسوش إذا عجبتكم هذ الهدره كليلي علا الإعـ ـلان في الأسفل باش تدعمينا اكثر

 

http://linnnna.blogspot.com/
مدونة لينة مدونة لينا
Lina blouge lina blogger
linnnna